|
Lang hob i braucht, oba iatz is' so
weit. Auf vielseitigen Wunsch hob i mi überred’n lassen, daß i a
CD mach und a paar selbagstrickte aufi spui.
50 Jahr is a lange Zeit, da kimmt da scho allerhand unter in so an
Musikantenleb’n. Ob i alloane oder mit de alten Mühlberger Buam oder
mit da Blechmusi g’spuit hab, sche und zünftig is‘ eigentlich oawa g’wen.
Bloß homa dortmois, wia i angfangd hob, koa Tonbandl oda Musi-Schui und
Technik hernehma kinna, do hat’s a oide "Judenburger" u.s.w.
geb'n und mit dera is ma z’fried’n gwen. Gspuit is grod des worn, wo
ma grod dahoam gwen is, dao hod ma an jedn aussa kennt ob er von
Werdenfels, Allgäu, Chiemgau, Rupertiwinkel oder a Waidler war.
Eing'falln san ma meine Stückei hauptsächlich in der Natur draußt beim
Berggeh oder beim Jagern auf’n Hochsitz oder a beim Holzarbet’n. Mei
größte Freud war, wenn ma de diatonische Ziach, de in meiner Jugendzeit
scho fast an aussterm gwen is, a so dahoit’n bleibt wias jetzt
erfreulicher Weise is, des wünscht si da
Schneider Willi. |
